د سلام ویلو ستر اهمیت وي
بِسْمِ اللهِ الرَّحْمنِ الرَّحِيمإِنَّ الدِّينَ عِندَ اللَّهِ الْإِسْلَامُ وَمَا اخْتَلَفَ الَّذِينَ أُوتُوا الْكِتَابَ إِلَّا مِن بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَن يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ
تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَر (۱۱۰ ال عمران )ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ (النحل ۱۲۵).
تګ لياره يې د الله جل جلا له ددې حکم پر بنا ده چې فرمايي :الحمدلله نحمده ونستعينه ،ونستغفره ،من يهده الله فلامضل له ،ومن يضل فلاهادی له ، واشهد الااله الله الا الله وحده لاشريک له ، واشهدان محمد ا عبده ورسوله صلی الله عليه وسلم .
سلام اچول
|
|
ترجمه : اول سلام اچونكى د تكبر څخه خلاص دى .
لغات : اَلْبَادِي : اول كونكى ،
بَدَاَ د فتح د باب څخه دى معنى يې شروع كول دي .
بَرِئ : د فتح، سمع اوكرم دباب څخه معنى يې نجات حاصلول .
اَلْكِبْرُ : غرور، د كرم دباب څخه په مرتبه كي لوړوالى ، دنصر اوسمع دباب څخه : په عمر كښې لوړ والى .
تشريح : كله چي دوه مسلمانان په يوه حالت يا دواړه سواره وي يا دواړه پر پښو وي چي سره مخامخ سي هر يوه چي اول سلام اداء كړى نو هغه دتكبر څخه ليري دى ، يا الله Y دده د زړه څخه تكبر باسي ددغه عمل په وجه .
د تكبر تعريف : تكبر دې ته وايې : چي مقابل خلګ سپك و بولي او ځان دكمالاتو خاوند وبولي او نور دكمالاتو خاوند ونه بولي، او نورو ته سلام ادا كول د ځان توهين بولي . تكبر ډيره سخته ګناه ده په قرآن كريم او احاديثو
مقدسوو كي يې ډير بدوالى راغلى دى .
د سلام احكام :سلام اداء كول سنت كفايې دى او جواب يې واجب كفايې دى .[2] يعني په يوه ټولۍ كي كه يو نفر سلام اداء كړي نو سنت اداء سول او كه چيري يو سړى يوې ټولۍ ته دمسلمانانو سلام ادا كړي او په هغو كي هم يو سړى جواب وركړي نو دټولي ټولۍ غاړي د واجب څخه خلاصي سوې .
نبي كريم r ډير تاكيد كړى دى چي سلام عام كړئ ځكه دا دمسلمانانو په مينځ كي دالفت اومحبت سبب ګرځي .
كه دوه نفره سره يو ځاى سول نو اول به څوك سلام ادا كوي؟ لوړ سړى به وكښته ته سلام اداء كوي مثلا تيريدونكي سړى و ولاړ يا ناست سړي ته، كشر و مشرته ،او كه مشر يې كشر ته اداء كړي هم صحيح ده دنبي كريم r څخه داعمل ثابت دى ، يو سړى چي پر دابه (سواري) سپور وي هغه به و پياده ته سلام ا داء كوي او كه دواړه پياده وه نو حكم يې پورته ذكر سو .
سلام چونكه يو دعاء ده نو ځكه كافر ته به سلام نه اداء
كوي ځكه چي كافر لره دعاء نسته بلكه د ضرورت په وخت كي به نور الفاظ استعمالوي .
او همدارنګه سلام او جواب دواړه به په خوله اداء كوي نه په لاس يا په ګوتو باندي، ځكه دا ديهودو او نصاراوو عادت و و. البته كه يو څوك ليري وي نو سلام خو به په خوله اداء كوي او په لاس كه اشاره وكړي چي ما سلام اداء كړي نو بيا پرواه نلري ، او همدارنګه جواب د سلام هم په خوله واجب دى په لاس كفايت نه كوي .
سلام اچول په شروع دمجلس او په آخر دمجلس كي اچول پكار دي . [3] السلام عليكم ورحمة الله ويل افضله دي ، سلام عليكم هم صحيح دى مګر افضله هغه لوړ دى .
په بعضو ځايو كي به سلام نه اچوي :
۱: په مسجد كي به سلام نه اچوي ځكه چي خلګ په عبادت مشغول وي .
۲ : په مجلس كي دتدريس به سلام نه اچوي .
۳:په مجلس كي دذكر به سلام نه اچوي .
۴: په غسل خانه او اوداسه په ځاى كي او داسي نور دغسي نامناسبه ځايو كي به سلام نه اچوي . په دغه مذكوره صورتو كي كه چا سلام واچاوه جواب يې نه دئ لازم .
مسئله : كه نامحرمي ښځي سلام واچاوه كه ځوانه ښځه وه جواب به نه وركوي كه سپين سري وه بيا به په زوره جواب وركوي .([4])
[1] عن عبدالله ان النبي r قال : البادي ....... الخ . مشكوة ج ۲ صـ ۴۰۰.
[2] مرقات ج ۸ صـ ۴۲۹.
[3] مرقات ج ۸ صـ ۴۵۳.
[4] : فتاوى هنديه ج : ۵ ص : ۳۲۵
نور مطالب اديان او مذاهب
|
|